Pidato Basa Jawa tema Perpisahan

Ya ini adalah salah satu tugas sekolah saya , jadi bila ada yang kurang saya mohon maaf.

Atur Pamit Siswa Kelas 9 ing Acara Pepisahan

Assalamualaikum Wr.Wb

Bapak Kepala SMPN 1 Prembun ingkang satuhu kinurmatan
Bapak/Ibu guru ingkang kula kurmati
Kanca-kanca kelas 9, adhik-adhik kelas 7 lan 8 sing daktresnani

Ingkang sepindah, monggo kita sareng-sareng ngucapaken Puja lan puji syukur dhumateng Allah SWT ingkang sampun paring rahmat sarta hidayah katitik ing wekdal punika kula panjenengan sedoyo sami saged makempal wonten ing SMPN 1 Prembun, kangge angestreni perpisahan kelas IX, kanthi sehat walafiat boten wonten alangan menapa.

             Ingkang saklajengipun,kula ngucapaken matur suwun sanget dhumateng para rawuh ingkang sampun rawuh dateng penggenan menika.

Para rawuh ingkang kinurmatan,

Kula minangka wakil siswa-siswi  kelas IX ngaturaken agunging panuwun ingkang tanpa upami,awit kaikhlasan tuwin katresnan Bapak/Ibu guru nggulawentah para siswa pramila saged ngerampungaken sedoyo ilmu ingkang sampun kaparingaken tigang tahun. Kula sakanca namung saged memuji, mugi-mugi amal lan kesaenan Bapak/Ibu guru sedaya pikantuk piwales saking Allah SWT,saha tansah pinaringan kasarasan. Boten kesupen kula sakanca ugi nyuwun pangapunten ,awit kula sakanca asring damel Bpak/Ibu guru kuciwa awit saking atur solah bawa kula sakanca ingkang boten mranani penggalih panjenengan.

            Para Bapak/Ibu guru lan para rawuh, ing wekdal punika kula sakanca nyuwun pamit lan nyuwun donga pangestu,mugi-mugi sasampunipun medal saking pawiyatan ngriki kula sakanca saged ngelajengaken ngangsu kawruh wonten ing pawiyatan candhakipun. Makaten ugi mugi-mugi adhik-adhik kelas VII lan kelas VIII saged kasil ngangsu kawruh kanthi kasil ingkang langkung sae.

            Namung cekap semanten ingkang saged kula aturaken  . Bokbilih wonten kirang sarta kalepatanipun , kula nyuwun agunging samudra pangkasami.

Wassalamualaikum Wr.Wb